Cal é a cor da soidade?.
Se fora branca,
seria uma cima nevada.
De nom ser branca,
seria incolor,
como a neve derretida
que quer fluir e ser rio.
Seria auga fresca
bicando as pedras,
ajudando-as no caminho,
dando-lhes vida.
A soidade é um pensamento
capaz de mover penedos.
Fai medrar aquel
que habita nela.
Soidade é pedra que roda,
é auga pura,
é a vida silenciosa.
🌟
Moradelha editora
Ningún comentario:
Publicar un comentario