Pinga VIII : Caminhos

 

Caminhas por um caminho retorto,

sem saber que atoparás na revolta.

Estás preparado para improvisar

e para arranjar todo o que cumpra,

em disposiçom de fazer-te o morto.

🌟

Moradelha editora

Pinga VII : Noite pecha

 

Separou-nos a noite pecha,

que invisíveis nos fijo.

Quijo que foramos cegos,

zelosa de nós e a Lua.

🌟

Moradelha editora

Pinga VI : Vinho doce

 

Nom é minha tarefa loitar,

senom travalhar em sossego.

Nom vou à feira aos enemigos,

vou à conversa cos amigos.

A minha loita é a parola

ainda que cante moi afiada,

ou de tono um chisco subida,

ou que fenda coma um coitelo.

É o meu verbo solitário

quem minha soidade consola,

arroupando-me coa sua calma,

durmindo-me coma um meninho.

Vinho doce, minhas palabras,

se bebe-las co teu coraçom,

que só querem quentar teu corpo

e a tua ánima coa sua beiçom.

🌟

Moradelha editora

Pinga V : Beleza

 

A elegáncia dum cisne,

movendo sua candura

nas augas da lagoa,

é a tua bela figura.

Debuxas ondas na auga,

pós cor a minha ánima,

alumeas meus olhos,

dás-lhe sentido à vida.

🌟

Moradelha editora

Pinga IV : Bolboreta azul

 

Num mar de espigas verdes

voava uma azul bolboreta.

Ao mar pompeava-o o vento,

as espigas tanhiam seus graos

e a bolboreta escrevia versos.

🌟

Moradelha editora

Pinga III : Entrada libre

 

Entraches no meu Lar

sem prévio aviso,

remexendo o que quigeches

sem permisso.

Acendendo as luzes todas

ao teu passo,

abrindo portas e janelas,

ventilando nossas almas,

enchendo de perfume nossos peitos,

acaroando-nos a pel

cos teus suspiros.

Trouxeches ao meu Lar a primavera

quando parecia que o inverno era eterno,

ensinaches a cantar às almas mudas

e reanimaches um coraçom congelado.

🌟

Moradelha editora

Pinga I : Soidades

 

Cal é a cor da soidade?.

Se fora branca,

seria uma cima nevada.

De nom ser branca,

seria incolor,

como a neve derretida

que quer fluir e ser rio.

Seria auga fresca

bicando as pedras,

ajudando-as no caminho,

dando-lhes vida.

A soidade é um pensamento

capaz de mover penedos.

Fai medrar aquel 

que habita nela.

Soidade é pedra que roda,

é auga pura,

é a vida silenciosa.

🌟

Moradelha editora